Arxiv

17.09.20

PARLAMENT NÜMAYƏNDƏ HEYƏTİ RUSİYA FEDERASİYASINDA RƏSMİ SƏFƏRDƏ OLACAQ

Sentyabrın 21-də Milli Məclisin Sədri Sahibə Qafarovanın başçılığı ilə parlament nümayəndə heyəti Rusiya Federasiyasına ilk rəsmi səfər edəcək.
ətraflı

17.09.20

MƏDƏNİYYƏT KOMİTƏSİNDƏ

Sentyabrın 17-də Milli Məclisin Mədəniyyət komitəsi payız sessiyasında ilk iclasına toplaşdı.  
Mədəniyyət komitəsinin sədri Qənirə Paşayeva öncə Milli Məclisin payız sessiyasının başlanması münasibətilə deputatları təbrik etdi. Vurğuladı ki, Azərbaycan rəhbərliyi ölkədə mədəniyyət sahəsinin inkişafına hər zaman xüsusi diqqət və qayğı göstərir. Azərbaycan mədəniyyətinin qorunması və inkişafı sahəsində qanunverici orqan olan parlamentin Mədəniyyət komitəsi üzvlərinin də öhdəsinə mühüm vəzifələr düşür. Milli Məclisin Sədri xanım Sahibə Qafarova da hər zaman Mədəniyyət komitəsinin fəaliyyətinə diqqət göstərir və ciddi dəstək verir.

ətraflı

17.09.20

Milli Məclisin Hüquq siyasəti və dövlət quruculuğu komitəsinin və İntizam komissiyasının birgə iclasında

Sentyabrın 17-də Milli Məclisin Hüquq siyasəti və dövlət quruculuğu komitəsinin və İntizam komissiyasının birgə iclası keçirildi. 
Milli Məclis Sədrinin birinci müavini, Hüquq siyasəti və dövlət quruculuğu komitəsinin sədri Əli Hüseynli bildirdi ki, gündəliyə  Azərbaycan Respublikası Milli Məclisinin İntizam komissiyasının Əsasnaməsinin layihəsi haqqında məsələ daxildir.

ətraflı

17.09.20

İNSAN HÜQUQLARI KOMİTƏSİ PAYIZ SESSİYASI ÜÇÜN ZƏNGİN İŞ PLANINI TƏQDİM EDİB

Sentyabrın 17-də Milli Məclisin İnsan hüquqları komitəsinin iclası keçirilib. Komitə sədri Zahid Oruc iclası açaraq yeni sessiya münasibəti ilə deputatları təbrik edib, onlara gələcək işlərində müvəffəqiyyətlər arzulayıb. Sonra bildirilib ki, gündəliyə komitənin 2020-ci ilin yaz və növbədənkənar sessiyaları ərzində gördüyü işlər barədə hesabat,  2020-ci ilin payız sessiyası üçün iş planının layihəsi, “Azərbaycan Respublikasının Əmək Məcəlləsində, Azərbaycan Respublikasının Cinayət Məcəlləsində, Azərbaycan Respublikasının İnzibati Xətalar Məcəlləsində və “Uşaq hüquqları haqqında” Azərbaycan Respublikasının Qanununda dəyişiklik edilməsi barədə” qanun layihəsi (birinci oxunuş) daxil edilib.

ətraflı

16.09.20

İCTİMAİ BİRLİKLƏR VƏ DİNİ QURUMLAR KOMİTƏSİNİN İCLASINDA

Sentyabrın 16-da Milli  Məclisin İctimai  birliklər  və dini qurumlar komitəsinin  payız sessiyasında ilk iclası  keçirildi. Milli Məclis  Sədrinin müavini, İctimai  birliklər  və dini qurumlar komitəsinin sədri Fəzail İbrahimli öncə VI çağırış dövründə parlamentdə görülən işlərdən söz açdı. Bildirdi ki, COVİD-19 pandemiyası ilə əlaqədar bütün dünyada yaranmış ağır şəraitə baxmayaraq, Milli Məclis öz işini ən yüksək səviyyədə davam etdirib və qarşıya qoyulan tapşırıqlar layiqincə yerinə yetirilib. Həm ölkə daxilində, həm beynəlxalq miqyasda deputatlarımız Azərbaycanın milli maraqları istiqamətində geniş fəaliyyət göstəriblər. 
Milli Məclisin Sədri Sahibə xanım Qafarovanın başçılığı ilə ciddi islahatlar həyata keçirilib, beynəlxalq əlaqələr genişləndirilib və hər bir deputat öz fəaliyyətini günün, bugünkü dünyanın tələbləri səviyyəsində qurub.

ətraflı



Müəllif hüquqları qorunur.
© Azərbaycan Respublikasının Milli Məclisi, 2007
İstifadə qaydaları | Əlaqə | Linklər | Saytın xəritəsi