HƏSƏNOVA Afət Əbil qızı

Dairə: 32 saylı Suraxanı üçüncü seçki dairəsi

1960-cı il sentyabrın 3-də Quba şəhərində anadan olmuşdur. ÜİLKGİ MK yanında Ali Komsomol Məktəbinin Tarix fakültəsini bitirmişdir. Rus və ingilis dillərini bilir.
1983-cü ildən Quba rayon 1 №-li orta məktəbində azad komsomol təşkilatının katibi, 1984-cü ildən Azərbaycan LKGİ Quba Rayon Komitəsində şöbə müdiri, 1985-ci ildən Azərbaycan KP Quba Rayon Partiya Komitəsində təlimatçı vəzifələrində çalışmışdır. 1989–1991-ci illərdə Zəngilan şəhər 1 №-li orta məktəbinin tarix müəllimi, 2001–2012-ci illərdə Bakı Slavyan Universitetinin «Türk-slavyan əlaqələri» elmi tədqiqat laboratoriyasının elmi işçisi, 2012–2015-ci illərdə Quba Rayon İcra Hakimiyyəti başçısının müavini-şöbə müdiri, 2015–2020-ci illərdə Bakı şəhəri Suraxanı Rayon İcra Hakimiyyəti başçısının müavini olmuşdur.
Yeni Azərbaycan Partiyasının üzvüdür.
Milli Məclisin Təbii ehtiyatlar, energetika və ekologiya komitəsinin, Elm və təhsil komitəsinin, İntizam komissiyasının üzvüdür. Çexiya, İspaniya, İtaliya, Rusiya, Səudiyyə Ərəbistanı parlamentləri ilə əlaqələr üzrə işçi qruplarının üzvüdür.
Müstəqil Dövlətlər Birliyinin Parlamentlərarası Assambleyasında Azərbaycan nümayəndə heyətinin üzvüdür.
Evlidir, 2 övladı var.

Partiya mənsubiyyəti: Yeni Azərbaycan Partiyası

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU