MƏHƏMƏLİYEV Nəsib Məhəmməd oğlu

Dairə: 109 saylı Balakən

1961-ci il fevralın 11-də Balakən rayonunun Qazma kəndində anadan olmuşdur. Kuybışev Dəmir Yolu Nəqliyyatı Mühəndisləri İnstitutunun Dəmir yolu nəqliyyatında daşıma proseslərinin idarə edilməsi fakültəsini və Bakı Dövlət Universitetinin Hüquq fakültəsini bitirmişdir. Fəxri dəmiryolçudur. 1 ixtirası, 2 səmərələşdirmə təklifi vardır. Rus və ingilis dillərini bilir.
1979–1981-ci illərdə hərbi xidmət keçmiş, 1982-ci ildən Rusiya Federasiyasının Saransk, Kuybışev şəhərlərində tikinti idarələrində dülgər, tikinti ustası, quraşdırma üzrə mühəndis, daha sonra kooperativ sədri işləmiş, 1989-cu ildən Azərbaycan Dəmir Yolu Balakən stansiyasının növbətçisi, 1991-ci ildən Balakən stansiyasının rəisi vəzifələrində çalışmış, 2000–2006-cı illərdə Balakən Rayon İcra Hakimiyyətinin başçısı, 2006–2015-ci illərdə Bakı şəhəri Nəsimi Rayon İcra Hakimiyyətinin başçısı olmuşdur.
Yeni Azərbaycan Partiyasının üzvüdür.
Beşinci çağırış Azərbaycan Respublikası Milli Məclisinin deputatı olmuşdur.
Milli Məclisin Təbii ehtiyatlar, energetika və ekologiya komitəsinin, Beynəlxalq münasibətlər və parlamentlərarası əlaqələr komitəsinin, İntizam komissiyasının üzvüdür. Azərbaycan-Litva parlamentlərarası əlaqələr üzrə işçi qrupunun rəhbəri, Amerika Birləşmiş Ştatları, Avstraliya və Yeni Zelandiya, Belarus, Danimarka, Qətər, Macarıstan, Norveç, Pakistan, Rusiya, Türkiyə parlamentləri ilə əlaqələr üzrə işçi qruplarının üzvüdür.
GUAM-ın Parlament Assambleyasında Azərbaycan nümayəndə heyətinin, Azərbaycan Respublikası Milli Məclisinin və Rusiya Federasiyası Federal Məclisinin ikitərəfli əməkdaşlığı üzrə parlamentlərarası komissiyanın üzvüdür.
Evlidir, 3 övladı var.

Partiya mənsubiyyəti: Yeni Azərbaycan Partiyası
Üzv olduğu komitə və komissiyalar:
İntizam komissiyası
Təbii ehtiyatlar, energetika və ekologiya komitəsi
Beynəlxalq münasibətlər və parlamentlərarası əlaqələr komitəsi

Azərbaycan Respublikasının Milli Məclisi — Azərbaycan Respublikasında qanunvericilik hakimiyyətini həyata keçirən dövlət hakimiyyəti orqanı. Birpalatalı orqan olub 125 deputatdan ibarətdir. Deputatlar majoritar seçki sistemi, ümumi, bərabər və birbaşa seçki hüququ əsasında sərbəst, şəxsi və gizli səsvermə yolu ilə seçilirlər. Azərbaycan Respublikası Milli Məclisinin hər çağırışının səlahiyyət müddəti 5 ildir.

AZ EN RU