1973-cü il oktyabrın 13-də Bakı şəhərində anadan olmuşdur. Bakı Dövlət Universitetinin şərqşünaslıq və hüquq fakültələrini fərqlənmə diplomu ilə bitirmişdir. 40-dək elmi məqalə və tezisin müəllifidir. İngilis, fransız, rus, ərəb və fars dillərini bilir. 1996–2002-ci illərdə Qərb Universitetinin İngilis dili və Hüquq kafedralarında müəllim işləmişdir. 1995–1997-ci illərdə Bakı Dövlət Universitetinin Ərəb filologiyası kafedrasının müəllimi olmuşdur. 2002-ci ildən BDU-nun Beynəlxalq hüquq kafedrasının müəllimidir. Bitərəfdir. İkinci çağırış Azərbaycan Respublikası Milli Məclisinin deputatı olmuşdur. Milli Məclisin Beynəlxalq münasibətlər və parlamentlərarası əlaqələr daimi komissiyası sədrinin müavinidir. Azərbaycan-Latviya parlamentlərarası əlaqələr üzrə işçi qrupunun rəhbəri, Azərbaycan-Amerika Birləşmiş Ştatları, Azərbaycan-Argentina parlamentlərarası əlaqələr üzrə işçi qruplarının üzvüdür. Avropa Şurasının Parlament Assambleyasında Azərbaycan nümayəndə heyətinin üzvüdür. 1 övladı var.