1963-cü il aprelin 7-də Laçın rayonunun Güləbird kəndində anadan olmuşdur. Azərbaycan Politexnik İnstitutunun mexanika fakültəsini bitirmişdir. Rus dilini bilir. 1987-ci ildən Laçın rayonunda təchizat birliyində mühəndis, nəqliyyat müəssisəsində böyük mühəndis, tikinti-quraşdırma sahəsinin rəisi vəzifələrində çalışmışdır. 1997–2005-ci illərdə Güzdək Tikinti Materialları Kombinatının direktoru işləmişdir. Yeni Azərbaycan Partiyası Laçın rayon təşkilatının sədridir. Milli Məclisin Təbii ehtiyatlar, energetika və ekologiya məsələləri daimi komissiyasının üzvüdür. Azərbaycan-Avstriya, Azərbaycan-Belarus, Azərbaycan-Əfqanıstan, Azərbaycan-Finlandiya, Azərbaycan-Qazaxıstan, Azərbaycan-Macarıstan, Azərbaycan-Portuqaliya parlamentlərarası əlaqələr üzrə işçi qruplarının üzvüdür. Evlidir, 2 övladı var