MİLLİ MƏCLİSİN DEPUTATI BEYNƏLXALQ SEMİNARDA İŞTİRAK EDƏCƏK
Milli Məclisin Hüquq siyasəti və dövlət quruculuğu komitəsinin sədri Əli Hüseynli Avropa İnsan Haqları Məhkəməsinin fəaliyyətinə dair beynəlxalq seminarda iştirak etmək üçün oktyabrın 30-dan noyabrın 1-dək Madriddə səfərdə olacaqdır.
Tədbirdə “Avropa İnsan Haqları Məhkəməsinin qərarlarının yerinə yetirilməsində milli parlamentlərin rolu” mövzusunda fikir mübadiləsi aparılacaq, rəy və təkliflər bildiriləcəkdir.
Deputatımız müzakirə olunan məsələyə dair çıxış edəcək, avropalı parlamentarilərlə fikirlərini bölüşəcəkdir.
Milli Məclisin
Mətbuat xidməti