MEDİA NÜMAYƏNDƏLƏRİNİN NƏZƏRİNƏ
Media nümayəndələrinin diqqətinə çatdırırıq ki, Azərbaycan Respublikası Milli Məclisinin 2026-cı il yaz sessiyasında fəaliyyətini işıqlandırmaq üçün təmsil etdiyiniz media orqanı rəhbərinin adından akkreditasiyadan keçməli olan, Media Reyestrinə daxil edilmiş əməkdaşların anket məlumatları (adı, soyadı və atasının adı, tutduğu vəzifə) göstərilməklə parlament Aparatı rəhbərinin adına müraciətinizi 2026-cı il yanvarın 10-dək Milli Məclisin office@meclis.gov.az e-poçtuna və ya məktub şəklində parlamentin poçt ünvanına (AZ1152, Bakı, Parlament prospekti 1) göndərməyiniz xahiş olunur.
Milli Məclisin kollektivi Fəxri xiyabanda Ulu Öndər Heydər Əliyevin xatirəsini yad edib
Dekabrın 12-də Milli Məclis sədrinin birinci müavini Əli Əhmədov, sədr müavinləri Ziyafət Əsgərov, Musa Qasımlı, Rafael Hüseynov, parlamentin komitə sədrləri, deputatlar, Milli Məclis Aparatının rəhbəri Fərid Hacıyev, Aparat rəhbərinin müavinləri, Parlamentin İşlər müdiri Firudin Hacıyev, Aparatın və İşlər idarəsinin əməkdaşları Ulu Öndər Heydər Əliyevin anım günü münasibətilə Fəxri xiyabana gələrək onun məzarını ziyarət ediblər.
_1765525350.jpg)
Dövlət və hökumət rəsmiləri Fəxri xiyabanda Ulu Öndər Heydər Əliyevin xatirəsini yad ediblər
Bu gün, Azərbaycan xalqının Ümummilli Lideri Heydər Əliyevin anım günündə - dekabrın 12-də Milli Məclisin sədri Sahibə Qafarova, Prezident Administrasiyasının rəhbəri Samir Nuriyev, digər dövlət və hökumət rəsmiləri, hərbi qulluqçular, hüquq-mühafizə orqanlarının əməkdaşları, diplomatik korpusun nümayəndələri Fəxri xiyabanda Ümummilli Lider Heydər Əliyevin məzarını ziyarət edərək abidəsi önünə gül dəstələri qoyub, müasir müstəqil Azərbaycanın banisi və qurucusu Ulu Öndərin xatirəsinə dərin ehtiramlarını bildiriblər.
Həştərxanda Ulu Öndərin anım gününə həsr olunmuş tədbir keçiriləcək
Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev Rusiya Federasiyasının Həştərxan şəhərində səfərdədir.
Milli Məclisdə “İqlim dəyişikliyi ilə mübarizədə süni intellektin rolu” mövzusunda elmi-praktik konfrans keçirilib
Dekabrın 8-də Milli Məclisin Təbii ehtiyatlar, energetika və ekologiya komitəsinin təşkilatçılığı ilə “İqlim dəyişikliyi ilə mübarizədə süni intellektin rolu” mövzusunda elmi-praktik konfrans keçirilib.
Milli Məclisdə MDB PA-nın nümayəndə heyəti ilə görüş
Dekabrın 8-də Bakıda Müstəqil Dövlətlər Birliyinin Parlamentlərarası Assambleyasının (MDB PA) iştirakçısı olan dövlətlərdə Demokratiyanın, parlamentarizmin inkişafının və vətəndaşların seçki hüquqlarına riayət olunmasının monitorinqi beynəlxalq İnstitutunun (DİMBİ) Bakı filialının təşkilatçılığı ilə Azərbaycan Respublikası Konstitusiyasının 30 illiyinə və Azərbaycan Parlamentinin 107 illiyinə həsr olunmuş beynəlxalq konfransın iştirakçılarından bir qrupu parlamentdə Milli Məclisin sədr müavini Ziyafət Əsgərovla görüşüblər.
_1765199853.jpeg)
Milli Məclisdə Azərbaycan dilinə həsr olunmuş konfrans keçirilib
Dekabrın 8-də Milli Məclisdə “Azərbaycan dilinin dövlət dili kimi inkişaf strategiyası: mövcud vəziyyət və perspektivlər” adlı konfrans keçirilib. Konfransda hökumət üzvləri və nümayəndələri, dilçi alimlər, ədəbiyyat xadimləri, media sahəsində fəaliyyət göstərən qurumların rəhbərləri, Milli Məclisin deputatları, Parlament Aparatının məsul şəxsləri və aidiyyəti qurumların nümayəndələri iştirak ediblər.
_1765015108.jpeg)
“Yüksəliş” müsabiqəsinin qalibləri ilə görüşdə
Dekabrın 6-da Milli Məclisdə “Konstitusiya və Suverenlik İli” çərçivəsində “Yüksəliş” müsabiqəsinin qalibləri ilə görüş keçirilib. Görüş "Ümummilli Lider Heydər Əliyev müstəqil Azərbaycan Konstitusiyasının müəllifidir" mövzusuna həsr olunub.
Ankarada Ulu Öndərin anım gününə həsr olunmuş tədbirdə
Milli Məclisin Türkiyə ilə parlamentlərarası əlaqələr üzrə işçi qrupunun rəhbəri Əhliman Əmiraslanov, qrupun üzvləri Eldar Quliyev və Anar Məmmədov dekabrın 9-da Türkiyə Respublikasının Ankara şəhərinə səfər edəcəklər.
İtaliyada “Konstitusiya və Suverenlik ili”nə həsr olunmuş tədbir keçiriləcək
Milli Məclisin İtaliya ilə parlamentlərarası əlaqələr üzrə işçi qrupunun rəhbəri Azər Kərimli və deputat Nurlan Həsənov dekabrın 8-də İtaliya Respublikasının Roma şəhərinə səfər edəcəklər.
Beynəlxalq konfransda
Milli Məclisin Ailə, qadın və uşaq məsələləri komitəsinin sədri Hicran Hüseynova və Türkmənistanla parlamentlərarası əlaqələr üzrə işçi qrupunun rəhbəri Tənzilə Rüstəmxanlı dekabrın 8-də Türkmənistan Respublikasının Avaza şəhərinə səfər edəcəklər.
Parlament Təhlükəsizlik Forumunda
Milli Məclisin Beynəlxalq münasibətlər və parlamentlərarası əlaqələr komitəsinin sədri Səməd Seyidov 31-ci Parlament Təhlükəsizlik Forumunda iştirak etmək üçün dekabrın 8-də Amerika Birləşmiş Ştatlarının Vaşinqton şəhərinə səfər edəcək.
Milli Məclisin deputatları Estoniyaya səfər edəcəklər
Milli Məclisin Estoniya ilə parlamentlərarası əlaqələr üzrə işçi qrupunun rəhbəri Afət Həsənova, qrupun üzvləri Fatma Yıldırım, Şahin Seyidzadə və Erkin Qədirli dekabrın 3-də Estoniyanın Tallin şəhərinə səfər edəcəklər.
Milli Məclisin deputatı Türkiyəyə səfər edəcək
Milli Məclisin Ailə, qadın və uşaq məsələləri komitəsinin sədri Hicran Hüseynova dekabrın 3-də Türkiyə Respublikasının Ankara şəhərinə səfər edəcək.
Asiya Parlament Assambleyasının komitə iclasında
Milli Məclisin deputatı, Asiya Parlament Assambleyasında nümayəndə heyətinin rəhbəri Rizvan Nəbiyev dekabrın 2-də bu təşkilatın Siyasi məsələlər üzrə daimi komitəsinin iclasında iştirak etmək üçün İran İslam Respublikasının Məşhəd şəhərinə səfər edəcək.
ATƏT-in tədbirlərində
Milli Məclisin deputatı, ATƏT Parlament Assambleyasında nümayəndə heyətinin üzvü Azay Quliyev dekabrın 2-də Avstriyanın Vyana şəhərinə səfər edəcək
Deputatımız Çin Xalq Respublikasına səfər edəcək
Milli Məclisin deputatı Vüqar Bayramov noyabrın 30-da Mərkəzi Asiya Regional İqtisadi Əməkdaşlığı İnstitutunun Beyin Mərkəzlərinin Doqquzuncu İnkişaf Forumunda iştirak etmək üçün Çin Xalq Respublikasının Urumçi şəhərinə səfər edəcək.
Milli Məclisdə görüş
Milli Məclis sədrinin müavini Musa Qasımlı və parlamentin Tailandla parlamentlərarası əlaqələr üzrə işçi qrupunun rəhbəri Göydəniz Qəhrəmanov noyabrın 28-də Tailand Krallığı Parlamentinin nəzdində fəaliyyət göstərən Kral Prajadhipok İnstitutunun baş katibi İssara Sereevatthanavut ilə görüşüblər.
Deputatlarımız Rusiyaya səfər edəcəklər
Milli Məclisin deputatları, Rusiya ilə parlamentlərarası əlaqələr üzrə işçi qrupunun üzvləri Eyvaz Qurbanov, Razi Nurullayev və Nizami Səfərov Rusiya Federasiyasının Moskva və Sankt-Peterburq şəhərlərinə səfər edəcəklər.
Deputatlarımız Qırğız Respublikasında növbədənkənar parlament seçkilərini müşahidə edəcəklər
Milli Məclisin deputatları Tural Gəncəliyev, Cavanşir Feyziyev, Mübariz Qurbanlı və Göydəniz Qəhrəmanov noyabrın 30-da Qırğız Respublikasında keçiriləcək növbədənkənar parlament seçkilərini müşahidə etmək üçün bu ölkənin Bişkek şəhərində səfərdə olacaqlar.