DEPUTATIMIZ AVSTRİYAYA SƏFƏR EDƏCƏK
Milli Məclisin deputatı Sahibə Qafarova Azərbaycan və Avstriya arasında məişət zorakılığının qarşısının alınması sahəsində təcrübə mübadiləsi məqsədi ilə təşkil edilən seminarda iştirak etmək üçün noyabrın 2-dən 8-dək Vyana şəhərində səfərdə olacaq.
Tədbir “Məişət zorakılığının qarşısının alınması haqqında qanunun icrasına dəstək” layihəsi çərçivəsində həyata keçirilir. Toplantıda məişət zorakılığın qarşısının alınması və qadın hüquqları ilə bağlı maarifləndirmə işinin gücləndirilməsi, insan alveri ilə mübarizə üsulları, bu sahədə xüsusi mexanizmlərin yaradılması barədə qarşılıqlı fikir mübadiləsi aparılacaq.
Deputatımız müzakirələrdə fəal iştirak edəcək, öz fikirlərini bölüşəcək.
Milli Məclisin
Mətbuat xidməti