Noyabrın 14-də Parisdə “Dinlərarası anlaşma: birgəyaşayışın modelləri”, noyabrın 15-də isə Strasburqda “Milli-mədəni müxtəliflikdə konfessiyalararası dialoq: multikultural modellər” mövzularında beynəlxalq konfranslar keçiriləcək. Tədbirlərdə Milli Məclisin deputatları Sahibə Qafarova və Yevda Abramov iştirak edəcəklər.
Azərbaycanın Dini Qurumlarla İş üzrə Dövlət Komitəsinin UNESCO ilə birgə təşkil etdiyi bu konfranslarda müxtəlif ölkələrdən olan 150-dən artıq din azadlığı, tolerantlıq və dövlət-din münasibətləri üzrə ekspertlərin, ictimaiyyət nümayəndələrinin, beynəlxalq QHT-lərin rəhbərlərinin, ölkəmizin Fransadakı səfirliyinin, Azərbaycanın UNESCO və Avropa Şurası yanında nümayəndəliklərinin təmsilçilərinin iştirakı gözlənilir. 
Deputatların səfəri noyabrın 16-da başa çatacaqdır.

Milli Məclisin
Mətbuat xidməti