Milli Məclisin deputatları Elman Məmmədov və Qənirə Paşayeva Xocalı soyqırımının ildönümünə həsr olunmuş anım tədbirlərində iştirak etmək üçün fevralın 23-dən 28-dək Ankarada səfərdə olacaqlar.
Millət vəkilləri Ankaranın Kızılcahamam rayonu ərazisində yerləşən Xocalı Abidə və Muzey Kompleksində, həmçinin Keçiörən rayonu ərazisində yerləşən Azərbaycan Meydanındakı Xocalı Abidəsi önündə keçiriləcək anım mərasimlərində iştirak edəcək, bir sıra görüşlərə qatılacaqlar.

*       *       *

Milli Məclisin deputatı Musa Qasımlı Xocalı soyqırımı ilə bağlı tədbirlərdə iştirak etmək üçün fevralın 23-dən 28-dək Türkiyənin Kayseri, Malatya və Kahramanmaraş şəhərlərində səfərdə olacaqdır.
Millət vəkili ermənilər tərəfindən  xalqımıza qarşı törədilmiş soyqırımı vəhşiliklərinin Türkiyə ictimaiyyətinə çatdırılması məqsədi ilə anım tədbirlərində çıxışlar edəcək, bir sıra faktları diqqətə çatdıracaqdır.

Milli Məclisin
Mətbuat xidməti