Milli Məclisin deputatı Fuad Muradov Xocalı soyqırımının 23-cü ildönümü ilə bağlı tədbirlərdə iştirak etmək üçün fevralın 24-dən İsrailin Akko şəhərində, fevralın 26-dan isə Rusiya Federasiyasının paytaxtı Moskvada səfərdə olacaq.
Səfər çərçivəsində keçiriləcək yığıncaqlarda Xocalı faciəsi zamanı həlak olan insanların xatirəsi anılacaq, bu qətliam haqqında məlumat veriləcək, dinc əhaliyə qarşı törədilən qəddarlıqları əks etdirən sənədlər nümayiş  olunacaq.
Səfər fevralın 28-də başa çatacaq.

*     *     *

Milli Məclisin deputatları Asim Mollazadə və Sevinc Fətəliyeva Xocalı soyqırımına həsr olunmuş anım mərasimlərində iştirak etmək üçün Amerika Birləşmiş Ştatlarının paytaxtı Vaşinqtonda və ölkənin bir sıra ştatlarında olacaqlar.
Tədbirlərdə Xocalı qurbanlarının xatirəsi yad ediləcək, şəhərin  işğalı, oradakı əhalinin kütləvi qətli haqqında həqiqətlər, bu  faciənin minlərlə insana yaşatdığı ağrı-acılar geniş ictimaiyyətin diqqətinə çatdırılacaq, soyqırımın dünyada tanıdılması istiqamətində görülən məqsədyönlü işlər və əldə olunan müsbət nəticələr barədə söhbət açılacaq. 
Səfər martın 3-də başa çatacaq.

Milli Məclisin
Mətbuat xidməti