AZƏRBAYCANLA UNİCEF ARASINDA ƏMƏKDAŞLIQ İNKİŞAF EDİR
Martın 18-də Milli Məclis Sədrinin müavini Bahar Muradovanın UNİCEF-in Avropa və Mərkəzi Asiya ölkələri üzrə regional direktoru xanım Mari-Pyer Puarye ilə görüşü oldu.
Qonağı Azərbaycan parlamentində salamlamaqdan məmnunluq duyduğunu bildirən Bahar Muradova ölkəmizlə UNİCEF arasındakı əlaqələrdən danışdı, bu əməkdaşlığın daha da dərinləşdirilməsi üçün geniş imkanların mövcud oluğunu vurğuladı. Milli Məclisin Sədr müavini qarşılıqlı münasibətlərin inkişafında belə səfərlərin əhəmiyyətinə toxunararq dedi: “Siz Azərbaycana vacib bir missiya ilə gəlmisiniz. Azərbaycan hökuməti qadın və uşaqların hüquqlarının qorunmasına xüsusi önəm verir və bu sahədə UNİCEF-in gördüyü işləri təqdirəlayiq heab edir”.
Sonra Bahar Muradova təşkilatın Bakı ofisinin aktiv fəaliyyətindən söhbət açdı. Qeyd olundu ki, qurumun Bakı ofisi cəmiyyətdə geniş nüfuza sahibdir və ölkənin müvafiq qurumları ilə yaxından əməkdaşlıq edir.
Görüş üçün təşəkkürünü bildirən Mari-Pyer Puarye ölkəmizdə qadın və uşaqların müdafiəsi, təhsil, səhiyyə, əlil uşaqların və qızların təhsilə cəlb olunması və digər sahələrdə əldə olunan uğurları yüksək dəyərləndirdi və bu sahələrin inkişafı istiqamətində qanunvericilik bazasının möhkəmləndirildiyini dedi. Qonaq qadın və uşaqların hüquqlarının qorunması baxımından Azərbaycanın öz hüdudlarından kənarda da aparıcı rol oynaya biləcəyini vurğuladı. O, bildirdi ki, Milli Məclisin fəaliyyətini yaxından izləyir, uşaq və gənclərin hüquqlarının qorunması, HİV-lə mübarizə sahəsində qanunverciliklə maraqlanır. Mari-Pyer Puarye Azərbaycandakı inkulüziv təhsil sahəsində məqsədyönlü addımlar atıldığını qeyd etdi.
Görüşdə gələcək əməkdaşlığa dair mövcud imkanlar müzakirə edildi.
Milli Məclisin
Mətbuat xidməti