Milli Məclisin deputatı Rasim Musabəyov aprelin 2-dən 4-dək Rusiya Federasiyasının paytaxtı Moskva şəhərində səfərdə olacaq. Millət vəkili Böyük Vətən Müharibəsində Qələbənin 70 illik yubileyinə həsr olunmuş silsilə tədbirlərdə iştirak edəcək.
Tədbirlər “Xatirə estafeti” aksiyası çərçivəsində Müstəqil Dövlətlər Birliyinə üzv ölkələrin paytaxtlarında keçirilir. İştirakçılar faşizmə qarşı mübarizədə həlak olanların xatirəsinə ucaldılmış  abidələri ziyarət edəcək, qələbə münasibəti ilə təşkil olunmuş təntənəli mərasimlərə qatılacaq, müharibə veteranları ilə görüşəcəklər.

Milli Məclisin
Mətbuat xidməti