Milli Məclisin deputatı Elmira Axundova Ukraynada səfərdədir. Millət vəkili Kiyev vilayətinin İrpen şəhərində yerləşən orta məktəbə görkəmli elm xadimi, oftalmoloq alim Zərifə Əliyevanın adının verilməsi ilə bağlı tədbirdə iştirak edəcək.
Deputatımız Zərifə Əliyevanın həyat və fəaliyyəti, ölkəmizdə tibb elminin inkişafına verdiyi töhfələr, habelə onun ictimai fəaliyyəti barədə toplantı iştirakçılarına məlumat verəcək. Millət vəkili, həmçinin, Zərifə Əliyevanın mənalı ömür yolu, yüksək mənəvi keyfiyyətləri barədə fikirlərini bölüşəcək.
Səfər aprelin 30-da başa çatacaq.

Milli Məclisin
Mətbuat xidməti