İKİNCİ DÜNYA MÜHARİBƏSİNDƏ HƏLAK OLMUŞ AZƏRBAYCANLILARIN XATİRƏSİ ANILACAQDIR
Milli Məclisin deputatı Rauf Əliyev mayın 8-dən 10-dək Sloveniyanın Nova-Qoritsa şəhərində səfərdə olacaqdır.
Deputat burada İkinci Dünya müharibəsi zamanı Yuqoslaviya müqavimət hərəkatında döyüşmüş və qəhrəmancasına həlak olmuş azərbaycanlı zabit və əsgərlərin əziz xatirəsinin əbədiləşdirilməsi məqsədilə keçiriləcək silsilə tədbirlərdə iştirak edəcəkdir.
Ölkəmizin Avstriyadakı səfirliyi tərəfindən təşkil olunmuş bu tədbirlərdə azərbaycanlı əsgərlərin xatirəsinə ucaldılmış memorial abidənin açılışı olacaq, yeni aşkar edilmiş və bərpa olunmuş 22 azərbaycanlı əsgərin məzarı ziyarət ediləcəkdir.
Milli Məclisin
Mətbuat xidməti