PARLAMENT XƏBƏRLƏRİ
Milli Məclisin İnsan hüquqları komitəsinin sədri Rəbiyyət Aslanova “Pekin+20” çərçivəsində keçiriləcək “Parlamentin gender siyasətində rolu” mövzusunda beynəlxalq konfransda iştirak etmək üçün mayın 14-dən 17-dək Qırğızıstanın Bişkək şəhərində səfərdə olacaq.
Toplantıda qadın hüquqlarının daha etibarlı müdafiəsi, gender qanunvericiliyinin inkişafı ilə bağlı məsələlər müzakirə olunacaq. Konfransda deputatımızın “Qadınların iqtisadi imkanlarının genişləndirilməsində parlamentlərin rolu” mövzusunda çıxışı nəzərdə tutulur.
* * *
Milli Məclisin Beynəlxalq münasibətlər və parlamentlərarası əlaqələr komitəsinin sədr müavini Sevinc Fətəliyeva Avropa Şurası Parlament Assambleyasının uşaqlara qarşı zorakılıqla mübarizəyə həsr olunmuş iclasında iştirak etmək üçün mayın 11-dən 14-dək Fransanın Strasburq şəhərində səfərdə olacaq.
Deputatımız müzakirələrdə fəal iştirak edəcək, ölkəmizdə uşaqlara qarşı zorakılıq hallarının aradan qaldırılması sahəsində həyata keçirilən tədbirlər barədə məlumat verəcək.
Sevinc Fətəliyeva daha sonra Moldovaya gedəcək, mayın 20-də burada keçiriləcək AŞPA-nın Sosial işlər komitəsinin iclasında iştirak edəcək.
Milli Məclisin
Mətbuat xidməti