AVROPA ŞURASI PARLAMENT ASSAMBLEYASININ TƏDBİRİNDƏ
Mayın 18-də Moldovanın paytaxtı Kişineuda Avropa Şurası Parlament Assambleyasının Avropa Sosial Nizamnaməsi üzrə alt-komitəsinin “Şərq əməkdaşlığı çərçivəsində sosial hüquqların möhkəmləndirilməsi: Avropa Sosial Nizamnaməsi üzrə müzakirə” adlı parlament iclası keçiriləcəkdir.
İclasda Milli Məclisin Sosial siyasət komitəsinin sədri Hadi Rəcəbli, deputatlardan Musa Quliyev, İlham Məmmədov, Sədaqət Vəliyeva və Sevinc Hüseynova iştirak edəcəklər.
Tədbirdə “Qanunvericilikdə və onun tətbiqində sosial hüquqlar”, “Sosial hüquqlarla bağlı standartların həyata keçirilməsi sahəsində çağırışlar və imkanlar” mövzularında müzakirələr aparılacaqdır. Müzakirələrdə Milli Məclisin deputatları çıxış edəcək, bu sahələrdə Azərbaycan təcrübəsi barədə məlumat verəcəklər.
Səfər mayın 20-də başa çatacaqdır.
Milli Məclisin
Mətbuat xidməti