Milli Məclisin  Hüquq  siyasəti  və  dövlət  quruculuğu  komitəsinin sədr müavini Rövşən Rzayev sentyabrın 27-dən 29-dək  Böyük Britaniyada  səfərdə olacaq.
Deputatımız bu ölkənin parlamentində ayrı-ayrı komitələri təmsil edən deputatlarla, Böyük Britaniya - Azərbaycan  parlamentlərarası  dostluq qrupunun üzvləri ilə görüşlər keçirəcək.
Bu görüşlərdə  parlamentlərarası əməkdaşlığın  inkişafı məsələləri barədə  danışılacaq.  Daha  sonra  Rövşən Rzayev  London  Kral  Beynəlxalq  Münasibətlər  İnstitutunun dəvəti əsasında  Ermənistan-Azərbaycan Dağlıq Qarabağ  münaqişəsinə  həsr  olunmuş Dəyirmi Masada   iştirak edəcək və ingiltərəli həmkarlarına münaqişənin hazırkı durumu barədə məlumat verəcək. 

Milli Məclisin
Mətbuat xidməti