Milli Məclisin nümayəndələri ulu öndər Heydər Əliyevin abidəsini ziyarət etdikdən sonra rayonda məskunlaşmış, öz yurd-yuvalarından erməni işğalı nəticəsində didərgin düşmüş insanlarla görüş keçirildi. Novruz bayramı münasibəti ilə qaçqın və məcburi köçkünləri Milli Məclisin rəhbərliyi adından təbrik edən nümayəndə heyətinin üzvləri onlara öz ürək sözlərini söylədilər.

Bildirilmişdir ki, qaçqın və məcburi köçkünlərə qayğı təkcə bayram günlərində deyil, hər zaman ölkə rəhbərliyinin diqqət mərkəzindədir. 

Çıxış edən qaçqın və məcburi köçkünlər Prezident İlham Əliyevə və Milli Məclisin Sədri Oqtay Əsədova onlara göstərilən diqqət və qayğıya görə təşəkkürlərini bildirdilər. 

Görüşdən sonra rayonda məskunlaşmış 166 ailəyə bayram sovqatı təqdim edildi.