Milli Məclisin deputatı Sevinc Fətəliyeva Avropa Şurası Parlament Assambleyasının Sosial işlər, sağlamlıq və daimi inkişaf komitəsinin təşkil etdiyi tədbirdə iştirak etmək üçün aprelin 4-də Bolqarıstana səfər edəcək.
Sofiya şəhərində keçiriləcək tədbirdə uşaqların normal formalaşması, sağlam böyüməsi, onların hüquqlarının qorunması ilə bağlı məsələlər müzakirə olunacaq.
AŞPA-nın Sosial məsələlər, sağlamlıq və daimi inkişaf komitəsində uşaqlar üzrə baş məruzəçi olan millət vəkili Sevinc Fətəliyeva mövzu ilə bağlı fikirlərini açıqlayacaq, həmçinin  ölkəmizdə uşaqlara olan diqqət və qayğı, onların müdafiəsi, vəziyyətinin daha da yaxşılaşdırılması sahəsində görülən işlər barədə məlumat verəcək.
Səfər aprelin 7-də başa çatacaq.

Milli Məclisin
Mətbuat xidməti