Qonaqları salamlayan Milli Məclisin Beynəlxalq münasibətlər və parlamentlərarası əlaqələr komitəsinin sədri və AŞPA-dakı nümayəndə heyətinin rəhbəri Səməd Seyidov qonağı uzun illik təcrübəyə malik olan məruzəçi kimi dəyərləndirdi. Bildirdi ki, Azərbaycan konstruktiv tənqiddən heç vaxt çəkinməyib və onun faydasını yaxşı başa düşür. Komitə sədri təəssüf hissi ilə qeyd etdi ki, qonağın səfərinin ermənilərin atəşkəsi pozduğu və cəbhə xəttində gərginlik yaşandığı bir dövrə təsadüf etməsini heç kəs istəməzdi. Səməd Seyidov bu faktların hazırlanacaq məruzədə öz əksini tapacağına əminliyini ifadə etdi.

Sonra görüşdə Ermənistan-Azərbaycan, Dağlıq Qarabağ münaqişəsi, qarşılıqlı əməkdaşlığın inkişaf etdirilməsi və digər mövzularda   fikir mübadiləsi aparıldı.

Söhbət zamanı qonağı maraqlandıran suallara cavab verildi.