Nümayəndə heyətinə Milli Məclisin deputatları Azay Quliyev və Tahir Mirkişili daxildirlər. 

İsveçrəyə səfər çərçivəsində Milli Məclisin nümayəndə heyəti İsveçrə Parlamentinin yuxarı palatası olan Kantonlar Şurasının sədri Rafael Kont, İsveçrə-Azərbaycan parlamentlərarası dostluq qrupunun üzvləri, bu ölkədə yaşayan Azərbaycan və türk diaspor təşkilatlarının nümayəndələri, orada çalışan və təhsil alan soydaşlarımızla görüşlər keçirəcəkdir. Görüşlərdə parlamentlərarası əlaqələrin inkişafı, qarşılıqlı təcrübə mübadiləsi və digər mövzularda söhbətlər aparılacaqdır.   

Almaniyaya səfər çərçivəsində isə Milli Məclisin nümayəndə heyəti ATƏT Parlament Assambleyasının təşkil etdiyi “ATƏT-in münaqişə dövrünün kəsilməsi istiqamətindəki tədbirlərinə ATƏT PA və onun üzvlərinin geniş töhfə vermək imkanları – həlli uzadılmış münaqişələrə xüsusi diqqət” mövzusunda seminarda iştirak edəcəkdir. 

Tədbirlərdə nümayəndə heyətinin rəhbəri Bahar Muradova və deputatlar çıxış edəcək, gündəliyə çıxarılacaq sənədlərə münasibətlərini bildirəcəklər.