MİLLİ MƏCLİSİN DEPUTATI PARLAMENT ETİKASINA HƏSR OLUNMUŞ KONFRANSDA İŞTİRAK EDƏCƏK
Milli Məclisin deputatı Qüdrət Həsənquliyev parlamentarilər üçün etik qaydalar Kodeksinə və standartlarına həsr olunmuş konfransda iştirak etmək üçün aprelin 18-də Gürcüstanın paytaxtı Tbilisi şəhərinə səfər edəcək.
Tədbirə Türkiyə, Böyük Britaniya, Fransa, Ukrayna, Polşa parlamentlərinin nümayəndələri də qatılacaqlar.
Konfransda parlament etikası, o cümlədən deputatların qarşılıqlı münasibəti, iclaslarda müzakirələrin aparılma və səsvermə qaydaları, reqlamentə riayət edilməsi, bu sahədə dünya təcrübəsinin öyrənilməsi və tətbiqi məsələləri müzakirə olunacaq.
Millət vəkili qaldırılan məsələlərlə bağlı fikirlərini açıqlayacaq, Milli Məclisin iş prinsipləri barədə məlumat verəcək.
Səfər aprelin 20-də başa çatacaq.
Milli Məclisin
Mətbuat xidməti