QDİƏT PM-nin KOMİTƏ İCLASINDA
Milli Məclisin deputatı, Qara Dəniz İqtisadi Əməkdaşlıq Təşkilatı Parlament Məclisinin sədr müavini Musa Quliyev qurumun Hüquqi və siyasi məsələlər komitəsinin 47-ci iclasında iştirak etmək üçün mayın 22-də Yunanıstanın paytaxtı Afina şəhərinə səfər edəcək.
Tədbirdə “Qara Dəniz İqtisadi Əməkdaşlıq Təşkilatına üzv ölkələrdə qaçqınlar problemi – siyasi aspekt” mövzusu ətrafında müzakirələr keçiriləcək. Yığıncaqda, həmçinin, qurumun cari fəaliyyəti barədə, təşkilati və digər məsələlərə baxılacaq.
İclasda millət vəkili ölkəmizdə qaçqınların, məcburi köçkünlərin vəziyyəti, sosial təminatı, mövcud problemlərin həlli istiqamətində dövlət tərəfindən atılan addımlar barədə məlumat verəcək.
Səfər mayın 25-də başa çatacaq.
Milli Məclisin
Mətbuat xidməti