Milli Məclisin Aqrar siyasət komitəsinin sədri Eldar İbrahimov və  deputat Ağalar Vəliyev mayın 22-də Sloveniyanın paytaxtı Lyublyana şəhərinə səfər edəcəklər.
Millət vəkilləri Lyublyana meriyası tərəfindən Azərbaycanın dahi şairi Nizami Gəncəvinin və İkinci Dünya Müharibəsi zamanı Sloveniyada  həlak olmuş Sovet İttifaqı Qəhrəmanı Mehdi Hüseynzadənin abidələrinin açılış mərasimlərində iştirak edəcəklər.
Tədbirlərdə Nizami Gəncəvinin həyat və yaradıcılığı, irsinin öyrənilməsi və təbliği, Mehdi Hüseynzadənin şərəfli ömür yolu, alman faşistlərinə qarşı apardığı mübarizə, Sloveniya kəndlərində başçılıq etdiyi partizan dəstəsində fəal iştirakı barədə söhbətlər aparılacaq.
Səfər mayın 26-da başa çatacaq.

Milli Məclisin
Mətbuat xidməti