VİTSE-SPİKER QAZAXISTANA SƏFƏR EDƏCƏK
Milli Məclis Sədrinin müavini, İnsan hüquqları komitəsinin sədri Bahar Muradova Qazaxıstanın parlament Senatı rəhbərliyinin təşkilatçılığı ilə keçiriləcək “Dinlər terrorizmə qarşı” mövzusunda beynəlxalq konfransda iştirak etmək üçün mayın 29-dan iyunun 1-dək bu ölkədə səfərdə olacaq.
Astana şəhərində keçiriləcək toplantıda vitse-spiker mövzu ilə əlaqədar çıxış edəcək, Azərbaycandakı tolerant mühitdən, multikultural dəyərlərdən, bütün dinlərin daşıyıcıları olan insanlara göstərilən səmimi münasibətdən, terrorizmə qarşı mübarizədən söhbət açacaq.
Milli Məclisin
Mətbuat xidməti