NATO PARLAMENT ASSAMBLEYASININ ROUZ-ROUT SEMİNARINDA
Milli Məclisin deputatları Kamran Bayramov və Məlahət İbrahimqızı NATO Parlament Assambleyasının 92-ci Rouz-Rout seminarında iştirak etmək üçün iyunun 13-də Ukraynanın paytaxtı Kiyev şəhərinə səfər edəcəklər.
Tədbirdə problemli regional kontekstdə Ukraynanın transformasiyası, Donbas bölgəsində vəziyyət, müdafiə sektorunda, siyasi, iqtisadi, anti-korrupsiya sahələrində həyata keçirilən islahatlarla bağlı məsələlərə baxılacaq.
Seminarda, habelə, Cənubi Qafqazda həll edilməmiş münaqişələr mövzusunda müzakirələr aparılacaq. Millət vəkili Məlahət İbrahimqızı Dağlıq Qarabağ münaqişəsi, cəbhə bölgəsində baş verən son hadisələr, hazırki durum barədə məlumat verəcək.
Səfər iyunun 18-də başa çatacaq.
Milli Məclisin
Mətbuat xidməti