VARŞAVADA PARLAMENT RƏHBƏRLƏRİNİN GÖRÜŞÜ KEÇİRİLƏCƏK
Avqustun 30-u və 31-də Polşanın paytaxtı Varşavada Mərkəzi-Şərqi və Cənubi Avropa ölkələrinin parlament rəhbərlərinin görüşü keçiriləcək. Görüşdə Azərbaycanı Milli Məclis Sədrinin müavini Valeh Ələsgərov təmsil edəcək.
Tədbirdə Avropa İttifaqının Şərqi və Mərkəzi Avropa ölkələri ilə regional əməkdaşlığı, bu ölkələrin öz aralarında parlamentlər səviyyəsində münasibətlərin inkişafı və digər mövzularda fikir mübadiləsi aparılacaq.
Valeh Ələsgərov görüşdə çıxış edəcək, müzakirə olunan məsələlərə münasibətini bildirəcəkdir.
Milli Məclisin
Mətbuat xidməti