Milli Məclisin deputatları Mahir Abbaszadə, Sevinc Hüseynova, Elman Nəsirov və Naqif Həmzəyev I Türk Dünyası Gənclik Forumunda iştirak etmək üçün oktyabrın 16-da Şimali Kipr Türk Respublikasına səfər edəcəklər.
Tədbirə dünyanın 25 ölkəsindən nümayəndələr qatılacaqlar. Yığıncaqda 4 müxtəlif mövzularda müzakirələr aparılacaq. Müzakirələr zamanı, həmçinin, Dağlıq Qarabağ münaqişəsi ilə bağlı gerçəklər barədə məlumat veriləcək.
Deputatlarımız, eyni zamanda, burada 18 oktyabr Azərbaycanın Dövlət Müstəqilliyi Gününə həsr olunmuş mərasimdə iştirak edəcəklər.
Səfər oktyabrın 20-da başa çatacaq.

Milli Məclisin
Mətbuat xidməti