MİLLİ MƏCLİSİN DEPUTATI AŞPA-NIN KOMİTƏ İCLASLARINDA İŞTİRAK EDƏCƏK
Dekabrın 6-da və 7-də Parisdə Avropa Şurası Parlament Assambleyasının Bərabərlik və qeyri-diskriminasiya, həmçinin Miqrasiya, qaçqınlar və məcburi köçkünlər komitələrinin iclasları keçiriləcək. Tədbirlərdə Milli Məclisin deputatı, AŞPA-nın Miqrasiya, qaçqınlar və məcburi köçkünlər komitəsinin sədri Sahibə Qafarova iştirak edəcəkdir.
İclaslarda internetdə nifrətin və ayrıseçkiliyin qarşısının alınması, dini azlıqlarda uşaq və ailə hüquqlarının qorunması, əlil şəxslərin siyasi hüquqları, miqrantlar problemi, qaçqınların sığındıqları ölkələrə inteqrasiyası, Fələstinin Qəzza şəhərində humanitar böhran, Yunanıstanda qaçqınlar problemi, 2017-ci ildə görüləcək işlər və digər mövzularda müzakirələr aparılacaqdır.
Səfər dekabrın 10-da başa çatacaqdır.
Milli Məclisin
Mətbuat xidməti