MİLLİ MƏCLİSİN DEPUTATI AŞPA-NIN TƏDBİRLƏRİNDƏ İŞTİRAK EDƏCƏKDİR
Dekabrın 12-də Monteneqronun Budva şəhərində “Qərbi Balkan ölkələrində və Türkiyədə gender bərabərliyi gündəliyinin təkmilləşdirilməsi” mövzusunda konfrans işə başlamışdır. Konfransda Milli Məclisin deputatı, AŞPA-nın Qadınlara qarşı zorakılıqla mübarizə üzrə baş məruzəçisi, bu qurumun “Zorakılıqdan azad qadınlar” şəbəkəsinin siyasi əlaqələndiricisi Sahibə Qafarova iştirak edir. Milli Məclisin deputatı tədbirdə AŞPA-nı təmsil etməklə yanaşı, həm də sessiya moderatoru təyin olunmuşdur.
AŞPA və BMT-nin birgə təşkilatçılığı ilə keçirilən konfrans Qərbi Balkan ölkələrində və Türkiyədə gender bərabərliyi üzrə regional platformanın yaradılması məqsədi daşıyır.
Tədbir dekabrın 13-də başa çatacaqdır.
* * *
Daha sonra deputat Sahibə Qafarova AŞPA-nın Miqrasiya, qaçqınlar və məcburi köçkünlər komitəsinin sədri kimi bu qurumun dekabrın 16-da Parisdə keçiriləcək Büro iclasında da iştirak edəcəkdir.
İclasda Büronun illik fəaliyyəti ilə bağlı çıxışlar olacaq, Makedoniyada keçirilmiş parlament seçkilərinin nəticələri,
AŞPA-nın seçki-müşahidə missiyasının fəaliyyəti, 2017-ci ildə parlament əməkdaşlığı və görüləcək işlər barədə fikir mübadiləsi aparılacaqdır.
Milli Məclisin
Mətbuat xidməti