DEPUTATLARIMIZ BEYNƏLXALQ TƏDBİRDƏ İŞTİRAK EDƏCƏKLƏR
Milli Məclisin deputatları Ülviyyə Ağayeva, Dilarə Cəbrayılova və Pərvin Kazımzadə yanvarın 31-də Koreyanın paytaxtı Seula səfər edəcəklər.
Millət vəkilləri Dünya Sülh Federasiyasının “Sülh, təhlükəsizlik və insan inkişafı” mövzusunda IV Dünya Sammitində iştirak edəcəklər.
Tədbirdə müxtəlif ölkələrin parlamentariləri, ictimai-siyasi xadimlər, din nümayəndələri iştirak edəcəklər. Toplantıda müasir dünyada gedən mürəkkəb proseslər fonunda sülhün və sabitliyin təmin edilməsi ilə bağlı fikir mübadiləsi aparılacaq.
Deputatlarımız mövzu ilə bağlı fikirlərini açıqlayacaq, təkliflərini verəcəklər.
Səfər fevralın 6-da başa çatacaq.
Milli Məclisin
Mətbuat xidməti