Milli Məclisin deputatları Mirkazım Kazımov və Xanhüseyn Kazımlı İslam Əməkdaşlığı Təşkilatının xətti ilə müşahidəçi qismində parlament seçkilərini izləmək üçün mayın 9-da Əlcəzair Xalq Demokratik Respublikasına səfərə yola düşəcəklər.
Deputatlarımız ölkə parlamentinin aşağı palatasına – Milli Xalq Assambleyasına mayın 12-də keçiriləcək seçkilərin gedişini Əlcəzair şəhərində izləyəcəklər. Müxtəlif seçki məntəqələrində müşahidə aparacaq, seçicilərin fəallığına, seçki prosesində demokratiyanın tələblərinə riayət edilməsinə diqqət yetirəcəklər.
Səfər mayın 14-də başa çatacaq.

Milli Məclisin
Mətbuat xidməti