Türkdilli Dövlətlərin Əməkdaşlıq Şurasının Hoca Ahmet Yesevi Beynəlxalq Türk-Qazax Universiteti ilə birgə təşkil etdiyi konfransda dövlət rəsmilərinin, elm xadimlərinin, Ankarada yerləşən diplomatik korpusun, beynəlxalq təşkilatların və Azərbaycan diasporunun nümayəndələri iştirak edəcək. Tədbirin məqsədi Xocalıda baş vermiş faciəni, Ermənistanın Azərbaycana qarşı 30 ilə yaxın davam edən təcavüzünü, insanlıq əleyhinə cinayətlərin və terrorizmin müasir dünyanın faciəsi olduğunu ictimaiyyətə çatdırmaqdır. 

Fevralın 23-də isə deputat Elman Məmmədov Tbilisi şəhərinə yola düşəcək. Millət vəkili burada Azərbaycanın Gürcüstandakı səfirliyi və bu ölkədəki Azərbaycan icması tərəfindən Xocalı faciəsinin 25 illiyi ilə əlaqədar keçiriləcək tədbirlərdə iştirak edəcək. 

Səfər fevralın 25-də başa çatacaq.