PARLAMENT XƏBƏRLƏRİ
Milli Məclisin Aqrar siyasət komitəsinin sədr müavini Eldar Quliyev QDİƏT Parlament Məclisinin daimi komitəsinin xüsusi iclasında və qurumun reqlament üzrə işçi qrupunun iclasında iştirak etmək üçün fevralın 21-dən 23-dək Türkiyədə səfərdə olacaqlar.
Deputatımız lazımi məqamlarda müzakirə edilən məsələlərə münasibət bildirəcəkdir.
***
Milli Məclisin deputatları Adil Əliyev və Naqif Həmzəyev ölkəmizin Qazaxıstandakı səfirliyi tərəfindən Xocalı soyqırımının 25-ci ildönümünə həsr olunmuş tədbirlərdə iştirak etmək məqsədi ilə fevralın 21-dən 23-dək qardaş ölkənin paytaxtı Astana şəhərində səfərdə olacaqlar.
Deputatlarımız mərasimdə Dağlıq Qarabağ münaqişəsinin yaranma tarixi, hazırkı durumu, torpaqlarımızın işğalı və Xocalı soyqırımı haqqında tədbir iştirakçılarına ətraflı məlumat verəcəklər.
Tədbir çərçivəsində “Soyqırımlardan azad dünyaya doğru” adı altında Xocalı soyqırımı ilə bağlı faciənin əks olunduğu fotolar da nümayiş etdiriləcəkdir.
Milli Məclisin
Mətbuat xidməti