TÜRKİYƏDƏ XOCALI ŞƏHİDLƏRİNİN ANMA MƏRASİMİ KEÇİRİLƏCƏK
Milli Məclisin deputatı Məlahət İbrahimqızı fevralın 23-də Türkiyənin İzmit şəhərinə səfərə gedəcək.
Millət vəkili İzmit Bələdiyyəsinin təşkilatçılığı ilə keçiriləcək Xocalı şəhidlərinin anma mərasimində iştirak edəcək.
Tədbirdə Xocalı şəhərində erməni silahlıları tərəfindən azərbaycanlı dinc əhaliyə qarşı törədilmiş qətliam, bu soyqırımın dünya ictimaiyyətinə çatdırılması istiqamətində atılan addımlar barədə məlumat veriləcək, faciə qurbanlarının xatirəsi anılacaq.
Toplantı iştirakçılarına bu qanlı hadisəni əks etdirən sənədlər nümayiş etdiriləcək.
Səfər fevralın 26-da başa çatacaq.
Milli Məclisin
Mətbuat xidməti