Milli Məclisin deputatı Muxtar Babayev Mərkəzi, Şərqı Avropa  və Mərkəzi Asiya ölkələrinin  Parlamentləri üçün Davamlı İnkişaf Məqsədləri üzrə regional seminarda   iştirak etmək üçün fevralın 22-də Macarıstanın paytaxtı Budapeştə  səfərə gedəcək.
 Tədbirdə müxtəlif ölkələrin nümayəndələri iştirak edəcəklər. Seminarda parlamentlərarası əməkdaşlığın davamlı inkişafın möhkəmlənməsində rolu, o cümlədən iglim dəyişikliyi və su sahəsində imkanların dəyərləndirilməsi ilə bağlı məsələlər ətrafında fikir mübadiləsi aparılacaq.
Millət vəkili müzakirə olunacaq mövzularla bağlı öz fikirlərini açıqlayacaq, təkliflərini verəcək.
Səfər fevralın 25-də başa çatacaq.

Milli Məclisin
Mətbuat xidməti