PARLAMENT XƏBƏRLƏRİ
Milli Məclisin Aqrar siyasət komitəsinin sədri Eldar İbrahimov, deputatlardan Elmira Axundova, Adil Əliyev, İqbal Məmmədov və Rüfət Quliyev Ukrayna Ali Radasının dəvəti ilə dekabrın 15-dən 18-dək Kiyevdə səfərdə olacaqlar.
Burada deputatlarımız Ukrayna parlamentinin Azərbaycanla dostluq qrupunun üzvləri ilə görüşəcək, parlamentlərimiz arasında əlaqələrin inkişaf perspektivlərindən danışacaqlar. Səfər çərçivəsində “Ukrayna-Azərbaycan münasibətləri: müasir seçim” mövzusunda dəyirmi masa keçiriləcək.
* * *
Milli Məclisin deputatı, yazıçı Hüseynbala Mirələmov “Görkəmli şəxsiyyətlərin həyatı” silsiləsindən həmmüəllifi olduğu “İlham Əliyev. Azərbaycan prezidentinin portreti” kitabının Ukrayna dilində nəşrinin təqdimat mərasimində iştirak etmək üçün Kiyevdə səfərdə olacaq.
Ukrayna Milli Akademiyasında keçiriləcək tədbirdə millət vəkili Azərbaycan Prezidentinin həyat və fəaliyyəti barədə tədbir iştirakçılarına ətraflı məlumat verəcək, onun ölkənin elm və incəsənət xadimlərinə, əmək adamlarına göstərdiyi diqqət və qayğıdan söz açacaq.
Səfər dekabrın 18-də başa catacaq.
Milli Məclisin
Mətbuat xidməti