DEPUTATIMIZ MDB PA-nın TƏDBİRİNDƏ İŞTİRAK EDƏCƏK
Milli Məclisin deputatı Elmira Axundova mədəni irsin qorunmasına dair Müstəqil Dövlətlər Birliyinin Konvensiya layihəsi üzrə işçi qrupunun iclasında iştirak etmək üçün fevralın 28-də Rusiya Federasiyasının Sankt-Peterburq şəhərinə səfərə gedəcək.
Tədbirdə MDB ölkələrinin nümayəndələri iştirak edəcəklər.
Toplantıda mədəni irsin qorunması sahəsində quruma üzv ölkələrdə həyata keçirilən layihələr, bununla bağlı milli parlamentlərdə qəbul olunan qanunvericilik aktları barədə məlumat veriləcək.
Səfər martın 3-də başa çatacaq.
Milli Məclisin
Mətbuat xidməti