DEPUTATIMIZ DANİMARKAYA SƏFƏR EDƏCƏKDİR
Milli Məclisin deputatı, ATƏT PA-nın vitse-prezidenti Azay Quliyev qurumun Büro iclasında iştirak etmək üçün təşkilatın Büro üzvü qismində aprelin 22-də Danimarkanın paytaxtı Kopenhagena səfərə gedəcək.
Tədbirdə ATƏT PA-nın müxtəlif hesabatları təqdim ediləcək və təşkilatın gələcək fəaliyyəti ilə bağlı məsələlərə baxılacaq.
Deputatımız Büro iclasının gündəliyinə uyğun olaraq müzakirəyə çıxarılan məsələlərə aid fikir və təkliflərini bildirəcək.
Səfər aprelin 26-da başa çatacaq.
Milli Məclisin
Mətbuat xidməti