Valeh Ələsgərov qonaqlara parlamentin strukturu, burada təmsil olunan siyasi partiyalar, Milli Məclisin beynəlxalq fəaliyyəti barədə məlumat verdi. Söhbət zamanı parlamentlərarası əməkdaşlığın inkişafı, Dağlıq Qarabağ münaqişəsi, Azərbaycanın müstəqillik tarixi, neft strategiyası, ölkəmizdə neft sənayesinin inkişafı və digər məsələlər müzakirə obyekti oldu. 

Qeyd edildi ki, dövlətimiz müstəqillik əldə etdikdən sonra əməkdaşlığımız yeni mərhələyə qədəm qoyub. İkitərəfli münasibətlərin möhkəmləndirilməsində deputatların qarşılıqlı səfərləri və keçirilən görüşlər böyük əhəmiyyət kəsb edir. Söhbət zamanı  əlaqələrin bütün istiqamətlərdə, o cümlədən iqtisadi, mədəni, elm və təhsil sahələrində genişləndirilməsinə maraq  ifadə olundu.  Qonaq Çexiya-Azərbaycan tərəfdaşlığını yüksək qiymətləndirdiklərini və qarşıda görüləsi bir çox mühüm işlərin dayandığını qeyd etdi. 

Sonra görüşdə tərəfləri maraqlandıran digər mövzularda fikir mübadiləsi aparıldı.