DEPUTATLARIMIZ BEYNƏLXALQ TƏDBİRDƏ İŞTİRAK EDƏCƏKLƏR
Milli Məclisin İqtisadi siyasət, sənaye və sahibkarlıq komitəsinin sədri Ziyad Səmədzadə, Beynəlxalq münasibətlər və parlamentlərarası əlaqələr komitəsinin sədri Səməd Seyidov “İnkişaf, sabitlik və qaçqın böhranı” mövzusunda XVII Beynəlxalq Doha Forumunda iştirak etmək üçün mayın 13-də Qətərə səfər edəcəklər.
Tədbirdə müxtəlif ölkələrin dövlət və hökumət başçıları, parlamentarilər, siyasi xadimlər, ekspertlər, regional və beynəlxalq təşkilatların nümayəndələri, vətəndaş cəmiyyətinin təmsilçiləri iştirak edəcəklər.
Forumda siyasi islahatların aparılması, demokratik dəyişikliklərin həyata keçirilməsi, təhlükəsizliyin təmin edilməsi, ekstremizmlə mübarizə, iqtisadi inkişaf, qaçqın böhranının aradan qaldırılması məsələləri müzakirə olunacaq.
Səfər mayın 16-da başa çatacaq.
Milli Məclisin
Mətbuat xidməti