Milli Məclisin Mədəniyyət komitəsinin sədri Rafael Hüseynov Avropa Şurası Parlament Assambleyasının Mədəniyyət, elm, təhsil və media məsələləri komitəsinin iclasında iştirak etmək üçün  mayın 21-dən  25-dək  Fransanın paytaxtı Parisdə  səfərdə olacaq.
Toplantıda milli adət və ənənələrin qorunması,  mədəni irsin məhv edilməsi və qeyri-qanuni dövriyyəsi ilə mübarizə,  beynəlxalq idman tədbirlərinin əhəmiyyəti, azsaylı xalqların  ana dillərinin qorunması və bir sıra diqər aktual məsələlər barədə fikir mübadiləsi aparılacaq.
Deputatımız iclasda müzakirə olunacaq məsələlərə öz münasibətini bildirəcək.

Milli Məclisin
Mətbuat xidməti