UKRAYNADA AZƏRBAYCAN PREZİDENTİNƏ HƏSR OLUNMUŞ KİTABIN TƏQDİMATI KEÇİRİLƏCƏK
Milli Məclisin deputatı Elmira Axundova mayın 23-dən 25-dək Ukraynada səfərdə olacaq. Məqsəd Kiyevdə Elmira Axundovanın müəllifi olduğu “İlham Əliyev: Prezidentin portreti dəyişikliklər fonunda” adlı kitabın Ukrayna dilinə tərcümə edilmiş nəşrinin təqdimat mərasimində iştirak etməkdir.
Ölkənin tanınmış siyasətçilərinin, ədəbiyyat və elm xadimlərinin qatılacağı tədbirdə deputatımız görkəmli dövlət xadimi, ümummilli lider Heydər Əliyevin həyat və fəaliyyəti, ulu öndərin layiqli varisi Azərbaycan Prezidenti İlham Əliyevin yürütdüyü uğurlu dövlət siyasəti, ölkədə həyata keçirilən islahat və yeniliklər barədə ətraflı məlumat verəcək, kitabla bağlı fikirlərini bildirəcək.
Milli Məclisin
Mətbuat xidməti