DEPUTATIMIZ BELÇİKAYA SƏFƏR EDƏCƏK
Milli Məclisin deputatı Cavanşir Feyziyev “Dondurulmuş münaqişə bölgələrində su problemi: Sərsəng su anbarı” mövzusunda keçiriləcək tədbirdə iştirak etmək üçün mayın 30-dan iyunun 1-dək Belçikanın paytaxtı Brüsseldə səfərdə olacaq.
Toplantıda Ermənistanın təcavüzü nəticəsində Azərbaycanın işğal olunmuş ərazisində yerləşən Sərsəng su anbarının bölgə üçün əhəmiyyəti, hazırki durumu barədə fikir mübadiləsi aparılacaq. Baxımsızlıq üzündən dağılma ehtimalı olan bu su anbarının təhlükə mənbəyinə çevrilməsi, hər an baş verə biləcək faciənin qarşısının alınmasının vacibliyi diqqətə çatdırılacaq.
Milli Məclisin
Mətbuat xidməti