PARLAMENT XƏBƏRLƏRİ
Milli Məclis Sədrinin birinci müavini, Müdafiə, təhlükəsizlik və korrupsiya ilə mübarizə komitəsinin sədri Ziyafət Əsgərov Serbiyanın yeni seçilmiş Prezidenti Aleksandr Vuçiçin iyunun 23-də paytaxt Belqradda keçiriləcək andiçmə mərasimində iştirak etmək üçün bu ölkəyə səfər edib.
Səfər iyunun 24-də başa çatacaq.
***
Milli Məclisin deputatı Ağalar Vəliyev Avronest Parlament Assambleyasının Belarus üzrə işçi qrupu və Avropa Parlamentinin Belarus ilə əlaqələr üzrə nümayəndə heyətinin birgə iclasında iştirak etmək üçün iyunun 28-29-da Belçikada səfərdə olacaq.
Brüssel şəhərində keçiriləcək toplantılarda Belarusun qurumdakı fəaliyyətinin bərpa edilməsi, Belarusda Boloniya təhsil sisteminin tətbiqinin intensivləşdirilməsi və bu ölkədəki miqrasiya və əmək məsələləri müzakirə ediləcək. Deputatımız müzakirə olunacaq məsələlərə öz münasibətini bildirəcəkdir.
Milli Məclisin
Mətbuat xidməti