DEPUTATIMIZ BEYNƏLXALQ SEMİNARDA İŞTİRAK EDƏCƏK
Milli Məclisin deputatı Sahibə Qafarova Avropa Şurası Parlament Assambleyası çərçivəsində keçiriləcək seminarda iştirak etmək üçün sentyabrın 27-dən Macarıstanın paytaxtı Budapeşdə səfərdə olacaq.
Tədbirdə müxtəlif ölkələrin nümayəndələri iştirak edəcəklər.
Seminarda qadın hüquqlarının qorunması və məişət zorakılığının önlənməsinə dair imkanların dəyərləndirilməsi ilə bağlı məsələlər ətrafında fikir mübadiləsi aparılacaq.
Millət vəkili müzakirə olunacaq mövzularla bağlı öz fikirlərini açıqlayacaq, təkliflərini verəcək.
Səfər sentyabrın 30-də başa çatacaq.
Milli Məclisin
Mətbuat xidməti