DEPUTATIMIZ XORVATİYADA SƏFƏRDƏ OLACAQ
Milli Məclisin Sosial siyasət komitəsinin sədri Hadi Rəcəbli mayın 27-də Xorvatiyanın Zaqreb şəhərinə səfər edəcək.
Millət vəkili burada aidiyyəti qurumların təmsilçiləri ilə görüşəcək, əhalinin sosial müdafiəsi sistemi sahəsində qanunvericilik bazasının formalaşması, qanunvericilik aktlarının icrasına nəzarət üzrə bu ölkənin təcrübəsi, habelə sosial xidmətlərin maliyyələşmə məsələləri ilə tanış olacaq, Azərbaycanda bu istiqamətdə görülən işlər barədə danışacaq.
Səfər iyunun 3-də başa çatacaq.
Milli Məclisin
Mətbuat xidməti