İSLAM ƏMƏKDAŞLIQ TƏŞKİLATININ İCRAİYYƏ KOMİTƏSİNİN İCLASINDA
Milli Məclisin deputatı Gövhər Baxşəliyeva İslam Əməkdaşlıq Təşkilatı İcraiyyə Komitəsinin iclasında iştirak etmək üçün oktyabrın 6-dan 8-dək İran İslam Respublikasının Tehran şəhərinə səfər edəcək.
Komitədə təşkilati məsələlərlə yanaşı Qurumun qəbul etdiyi qətnamələrin yerinə yetirilməsi ilə bağlı atılacaq addımlar müəyyənləşdiriləcək. Tədbirdə daimi ixtisaslaşmış - Siyasi məsələlər və xarici əlaqələr, İqtisadi məsələlər və ətraf mühit, İnsan haqları, qadın və ailə məsələləri, Mədəni və hüquqi işlər, sivilizasiyalar və dinlərin dialoqu komitələrinin gündəlik layihələri tərtib ediləcək. İclasda həmçinin, Müsəlman Qadın Parlamentarların 7-ci konfransının, İƏT- ə üzv parlamentlərin Baş katiblərinin 3-cü Məşvərət iclasının gündəlikləri də qəbul ediləcək.
Milli Məclisin
Mətbuat xidməti