Milli Məclisin deputatı Rafael Hüseynov  mayın 31-dən Fransanın paytaxtı Paris şəhərində səfərdə olacaq.
Millət vəkili burada keçiriləcək Avropa Şurası Parlament Assambleyasının Miqrasiya, qaçqınlar və köçkünlər üzrə komitəsinin iclasında iştirak edəcək. Tədbirdə Rusiya və Gürcüstan arasında münaqişədən zərər çəkmiş ərazilərdə humanitar durum, miqrantlar və qaçqınların  seçki zamanı vəziyyətləri, miqrantların Avropaya inteqrasiyası və digər məsələlər müzakirə olunacaq.
Səfər iyunun 2-də başa çatacaq.

Milli Məclisin
Mətbuat xidməti